ஓப்பன் ஆஃபிஸ்-90 மேக்ரோவை உருவாக்கி பயன்படுத்துதல் தொடர்ச்சி

  திரும்ப திரும்ப செய்யும் செயல்களை மேக்ரோவாக பதிவுசெய்து அதற்கொரு பெயரிட்டு கோப்பாக சேமித்து கொண்டு செயற்படுத்தலாம் என கடந்த தொடரில் அறிந்துகொண்டதை தொடர்ந்து C:\Documents and Settings\குப்பன்\Application Data. என்றவாறு பயனாளரின் பெயரிலுள்ள அடைவில் இந்த கோப்பானது சேமிக்கபடுகின்றது தற்காலிகமாக இந்த மேக்ரோவை பயன்படுத்துபவர்களுக்கு இந்த மேக்ரோ எங்கு சேமிக்கபடுகின்றது என்ற விவரம் தேவையில்லாததாகும். ஆனால் இந்த மேக்ரோவை மற்றவர்களுடன் பகிரந்து கொள்ளுதல் போன்ற நிகழ்வின்போது எங்கு சேமிக்கபடுகின்றது என தெரிந்துகொள்வது நல்லது மேலும் ஓப்பன் ஆஃபிஸை புதிய பதிப்பிற்கு மேம்படுத்திடும்போது இந்த மேக்ரோவானது நகலெடுக்கபடாமல் வன்தட்டில் அப்படியே விடப்பட்டுவிடும் அதனால் புதிய பதிப்பில் பழையபதிப்பில் உருவாக்கபட்ட மேக்ரோ எதையும் செயல்படுத்தமுடியாது இதற்கு தீர்வாக Tools => Macros => Organize => என்றவாறு கட்டளைகளை செயற்படுத்துவதன் வாயிலாக அல்லது Tools => Macros => Organize Macros => OpenOffice.org Basic=> என்றவாறு கட்டளைகளை செயற்படுத்தியபின் தோன்றிடும் உரையாடல் பெட்டியில் Organizer என்ற பொத்தானை தெரிவுசெய்து சொடுக்குவதன்வாயிலாக OpenOffice.org Macros என்ற உரையாடல் பெட்டியை திறந்து கொள்க பிறகு அந்த உரையாடல் பெட்டியில் Importஎன்ற பொத்தானை தெரிவுசெய்து சொடுக்குவதன் வாயிலாக முந்தைய பதிப்பில் உருவாக்கபட்ட மேக்ரோவை பதிவிறக்கம் செய்து கொள்க

ஒவ்வொருமுறையும் இந்த மேக்ரோவை இயக்குவதற்காக Tools => Macros => Run Macro => என்றவாறு கட்டளைகளை செயற்படுத்தியவுடன் நாம் உருவாக்கிய மேக்ரோவானது மிகமெதுவாகவே இயங்கதுவங்கிடும் இதனை விரைவாக செயல்படுமாறு செய்திடுவதற்காக

Listing 3: Modify Main to call CopyNumToCol1.

Sub Main

CopyNumToCol1

End Sub

என்றவாறு மாற்றியமைத்தபின் கருவிபட்டையிலுள்ள Run Basic என்ற உருவபொத்தானை தெரிவுசெய்து சொடுக்கி மிகவிரைவாக இந்த மேக்ரோவை செயல்படுமாறு செய்யலாம்

அதற்கு பதிலாக கருவிபட்டையில் ஒரு கருவியாக அல்லது கட்டளை பட்டியில் ஒரு கட்டளையாக அல்லது விசைப்பலகையின் ஒரு குறுக்குவழி பொத்தானாக உருவாக்கி அதனை செயற்படுத்துவதன் வாயிலாக இந்த மேக்ரோவை இயக்கமுடியும் இதற்காக Tools => Customize=> என்றவாறு கட்டளைகளை செயற்படுத்துக

உடன் தோன்றிடும் Customize என்ற உரையாடல் பெட்டியில் toolbars,Menus, Keyboard, event ஆகிய தாவிகளின் பொத்தான்களில் நாம்விரும்பும் ஒன்றை தெரிவுசெய்து சொடுக்கி தொடர்புடைய தாவியின் திரையை தோன்றசெய்க அதில் தேவையான வாறு கட்டளைகளை அல்லது செயல்களை ஒதுக்கீடு செய்து okஎன்ற பொத்தானை தெரிவுசெய்து சொடுக்குக. இந்த Customize என்ற உரையாடல் பெட்டியின் செயல்முறை தொடர்பான விவரத்தை மேலும் விரிவாக அடுத்த தொடரில் காண்போம்

குறிப்பு இங்குமேக்ரோவைபற்றி அறிமுகம் மட்டுமே செய்யபடுகின்றது மிகஆழ்ந்து செல்வதற்கான செய்முறையை இங்கு குறிப்பிடவில்லை என்பதை மனதில்கொள்க .

விரிவாக்க செயல்கள்(extensions)இந்த ஓப்பன் ஆஃபிஸின் ஒவ்வொரு பயன்பாட்டிலும் குறிப்பிட்ட வசதிகள் பொதுவாக வழங்கபட்டுள்ளன அதற்குமேலும் Calc Add-Ins , Chart Add-Ins போன்ற வசதிகள் தேவையெனில் http://extensions.services.openoffice.org/. என்ற இணையதளத்திற்கு சென்று நமக்கு தேவையான வசதிகளின் விரிவாக்கங்களை பதிவிறக்கம் செய்து ஓப்பன் ஆஃபிஸின் கூடுதல் வசதிகளை விரிவுபடுத்தி கொள்ள முடியும்

கடந்த தொடரில் பார்த்தவாறு கட்டளைவரிகளின் குறிமுறைகளை கைகளால் எழுதாமலேயே macro recorder உதவியுடன் திரும்ப திரும்ப செய்யபடும் செயல்களை மேக்ரோவாக பதிவுசெய்து பயன்படுத்திடமுடியும் என அறிந்து கொண்டதை தொடர்ந்து அவ்வாறு செய்ய முயலும்போது ஒருசில நேரங்கலில் macro recorder செயல்படவில்லையெனில் Tools => Macros => Organize Macros => OpenOffice.org Basic => என்றவாறு கட்டளைகளை செயற்படுத்துக உடன் தோன்றிடும் OpenOffice.org Basic உரையாடல் பெட்டியில் new என்ற பொத்தானை தெரிவுசெய்து சொடுக்கியபின் தோன்றிடும் திரையில் மேக்ரோவின் கட்டளைவரிகளை நேரடியாக தட்டச்சு செய்து செயற்படுத்திடுவதுதான் மாற்றுவழியாகும் . மேலும் மேக்ரோ தேவையெனில் இதே உரையாடல் பெட்டியில் OpenOffice.org library container என்ற பகுதியில் தயாராக உள்ளவைகளில் தேடிபிடித்து தேவையானதை தெரிவுசெய்து பயன்படுத்திகொள்க அதுமட்டுமல்லாது http://www.pitonyak.org/AndrewMacro.odt என்ற இணைய தளபக்கத்திற்கு சென்று தேவையானதை தெரிவுசெய்து கொள்க