ஓப்பன் ஆஃபிஸ் ஓர் அறிமுகம்: ஓப்பன் ஆஃபிஸ் கால்க்-45- மேக்ரோவை உருவாக்குதல்

ஓப்பன் ஆஃபிஸ் கால்க்கில் திரும்ப திரும்ப செய்யப்படும் செயல்களை கட்டளைவரி நிரல் தொடர்களாக சேமித்துகொண்டு பின்னாட்களில் பயன்படுத்திகொள்ள உதவுவதே மேக்ரோவாகும் இது நெகிழ்வுதன்மையுடனும் சாதாரணமானதும் சிக்கலானதுமான செயல்களை தானியங்கியாக செயல்படுத்தஅனுமதிக்க கூடியதுமாகும்.

இதனை ஒரு சிறு எடுத்துகாட்டுடன் பார்ப்போம்.ஓப்பன் ஆஃபிஸ் கால்க்கின் செல்எண்கள் A1 முதல் C3 உள்ள எண்களை செல்எண் A3 -ல் உள்ள எண் 3 ஆல் பெருக்கவேண்டும் என கொள்வோம்

1.அதற்காக முதலில் செல்எண் A3 -ஐ தெரிவுசெய்துகொண்டு மேலே கட்டளை பட்டியிலிருந்து Edit=>copy=>என்றவாறு கட்டளைகளை செயற்படுத்துக அல்லது Ctrl+ C என்றவாறு விசைகளை சேர்த்து அழுத்துக.

2.பின்னர் செல்எண்கள் A1 முதல் C3 வரை தெரிவுசெய்துகொள்க

படம்-45.1

3.அதன்பின்னர் மேலே கட்டளை பட்டியிலிருந்து Tools=>Macros=>Record Macro=> என்றவாறு கட்டளைகளை செயற்படுத்துக உடன் Record Macro என்ற சிறு உரையாடல் பெட்டி stop recordingஎன்ற பொத்தானுடன் நாம் செய்யும் செயலை பதிவுசெய்ய தயாராக இருக்கும்.

4 பின்னர் மேலே கட்டளை பட்டியிலிருந்து Edit=>Paste Special=>என்றவாறு கட்டளைகளை செயற்படுத்துக

படம்-45.2

5 உடன் Paste Special என்ற உரையாடல் பெட்டியொன்று திரையில் தோன்றும் அதில் operations என்பதன் கீழுள்ள multiply என்ற வாய்ப்பை தெரிவுசெய்துகொண்டு ok என்ற பொத்தானை தெரிவுசெய்து சொடுக்குக.உடன்A1 முதல் C3 வரைஉள்ள எண்கள் 3 ஆல் பெருக்கிய விடையாக மாறிவிடும்

6.பின்னர் Record Macro என்ற உரையாடல் பெட்டியில் stop recordingஎன்ற பொத்தானை தெரிவு செய்து சொடுக்குக உடன்Record Macro என்ற உரையாடல் பெட்டிதிரையில் மூடப்பட்டு open office.org basic macrosஎன்ற உரையாடல் பெட்டி தோன்றிடும்

படம்-45.3

7அதில்macro name என்பது main என்றும் save macro in என்பதன் கீழ் module 1 என்ற தலைப்புடன் தெரிவுசெய்யபட்டும் இருக்கும் நாம் புதியதாக பதிவுசெய்யவிருப்பதால் new moduleஎன்ற பொத்தானை தெரிவுசெய்து சொடுக்குக.

8 உடன் new moduleஎன்ற சிறு உரையாடல் பெட்டியொன்று திரையில் தோன்றிடும் அதில் nameஎன்தன்கீழ் module2என இயல்புநிலையில் இருக்கும் இந்தபெயரை ஆமோதித்து கொள்க அல்லது வேறுபெயரை உள்ளீடு செய்து okஎன்ற பொத்தானை தெரிவுசெய்து சொடுக்குக.

9அதன் பின்னர் open office.org basic macrosஎன்ற உரையாடல் பெட்டியில் இந்தmodule2 என்பதை தெரிவுசெய்துகொண்டு macro name என்பதன்கீழுள்ள உரைபெட்டியில் paste multiplyஎன்ற பெயரை உள்ளீடு செய்து saveஎன்ற பொத்தானை தெரிவுசெய்து சொடுக்குக.

10.பின்னர் மேலே கட்டளைபட்டியிலிருந்து tools=>macros=>organize macros=>openoffice.org basic=> என்றவாறு கட்டளைகளை செயற்படுத்துக. உடன்தோன்றிடும் open office.org basic macrosஎன்ற உரையாடல் பெட்டி யில் paste multiplyஎன்பதை தெரிவுசெய்து editஎன்ற பொத்தானை தெரிவு செய்து சொடுக்கினால் மேலேகூறியவாறு பதிவுசெய்த மேக்ரோவின் கட்டளைவரி நிரல்தொடரானது பின்வரும் படத்திலுள்ளவாறு இருக்கும்

படம்-45.4

நம்முடைய சொந்த செயலியைகூட இவ்வாறு மேக்ரோ கட்டளை வரிநிரல்தொடராக நாமே எழுதி செயற்படுத்தமுடியும் அதற்காக மேலே கட்டளைபட்டியிலிருந்து tools=> macros=> organize macros=>openoffice.org basic=> என்றவாறு கட்டளைகளை செயற்படுத்துக. உடன் தோன்றிடும் open office.org basic macrosஎன்ற உரையாடல் பெட்டியில் organiserஎன்ற பொத்தானை தெரிவுசெய்து சொடுக்குக உடன் தோன்றிடும் open office.org basic macros organiserஎன்ற உரையாடல் பெட்டியில் newஎன்ற பொத்தானை தெரிவுசெய்து சொடுக்குக பின்னர் தோன்றிடும்new library என்ற உரையாடல் பெட்டியில் nameஎன்பதன்கீழ் authors calc macros எனஉள்ளீடுசெய்து ok என்றபொத்தானை தெரிவுசெய்து சொடுக்குக. அதன்பின்னர் open office.org basic macrosஎன்ற உரையாடல் பெட்டியில் authors calc macrosஎன்றபெயரை தெரிவுசெய்து editஎன்ற பொத்தானை தெரிவுசெய்து சொடுக்கினால்

REM ***** BASIC *****

Sub Main

End Sub

என்றஆரம்ப,முடிவு வரியுடன் திரையின் தோற்றம் அமையும் அதில் பின்வருமாறு கட்டளை வரிகளைதவறில்லாமல் உள்ளீடு செய்து சேமித்துகொள்க

REM ***** BASIC *****

Option Explicit

Sub Main

End Sub

Function NumberFive()

NumberFive = 5

End Function

கால்க்கின் ஏதேனுமொரு செல்லில் =NumberFive()என்றவாறுஃபார்முலாவை உள்ளீடு செய்து உள்ளீட்டு விசையை அழுத்தியவுடன் அதற்கான விடை மேக்ரோவில் நாம்சேமித்தவாறு 5 என கிடைக்கின்றது

படம்-45.5

பின்னர் மேலே கட்டளைபட்டியிலிருந்து tools=>options > OpenOffice.org > Security > Macro Security=> என்றவாறு கட்டளைகளை செயற்படுத்துக நாம் ஏற்கனவேபாதுகாப்பு அமைப்பை எவ்வாறு அமைத்திருந்தோமோ அதற்கேற்றவாறு openoffice.org-security warning என்ற எச்சரிக்கை உரையாடல்பெட்டியொன்று திரையில் தோன்றிடும் அதில் Enable maros என்பதை தெரிவுசெய்தால் இந்த மேக்ரோவை இயக்க அனுமதிக்கும் disable macros என்றபொத்தானை தெரிவுசெய்து சொடுக்கினால் மேக்ரோவை இயக்க அனுமதிக்காது

எச்சரிக்கை மேக்ரோ வழியாக நச்சுநிரல்தொடர் நம்முடைய கணினிக்குள் உட்புகவாய்ப்பு உள்ளது அதனால் Enable macros என்பதை தெரிவுசெய்யாமல் இருப்பதே நல்லது